AMARAKO ATALAIATIK

Askotan galdera berdina egin diot nire buruari. Zutabe propioa eskeintzen badidate kapaz izango al naiz erantzuteko ? Ba hemen dut aukera, hitzegin eta eskeintza bat izan da. Gure artean, onartuko dizuet gustukoa dudala erronka.

Zutabetxo honetan aurkezpen gisa, auzoa eta bertan dugun eskaintza kulturalaren inguruko nondik norakoaren zenbait zistada emateko aukera izango dut. Eta noski aukera ez dut galduko.

Hori bai zin dagizuet idatziz ahotsez naizen txapa ez naizela izango.

Sarean jarraitu ditudan blog ezberdinak azterturik, blogeroak bere burutaz ilusioa, ametsa, bla bla bla … aldarrikatzen dute maiz, ba nire kasuan ilusioz baina marroitzat dut erronka eta espero dut ez huts egitea.

Sarrera eta aurkezpena alde batera utzita, gaurko gaia azken astean Jai Batzordeak egin duen barne hasnarketaz hitzegitea gustatuko litzaidake.

Jaiak, urtean zehar auzoan egiten diren ekitaldi kulturalaren expresio maximoa dela esango dugu eta horretara joan behar dugula eta hau izan behar duela gure ipar horratza.

Eta honekin ados nago. Nire iritziz , Jai Batzordeko kideek eztabaida bere horretan jarri dutela eta “parte hartzea sustatzeko bitartekoak jarri behar direla” planteatzen dutenean, arrazoi guztia dute.

Amaran, urteak dira Kultur Etxea aldarrikatzen gabiltzala, eta horretan jarraitu behar dugula dudarik ez dut, baina konziente naiz kultur etxea ez dela izango gure defizit kulturala konponduko duen bitartekoa.

Lagundu lagunduko du baina Gu, amarako auzotarrak, izan behar dugu bertako kultura herrikoiaren sortzaile, eta aukera ematen denean parte hartzaile.

Lan asko dugu egiteko eta nola ez , tartetxo hau eskeintzen didatenez, artikulotxoak idazten jarraituko dut.